martes, 22 de enero de 2013

Presentación do libro "Esplendor Arcano" de Ramiro Torres

Chega a presentación do primeiro libro amparado polo Grupo Surrealista Galego: Esplendor arcano, de Ramiro Torres (http://gruposurrealistagalego.blogaliza.org/2013/01/09/esplendor-arcano-de-ramiro-torres/)


Será a sexta-feira, venres, 25 de xaneiro, ás 20:30 horas, en Portas Ártabras (Rúa Sinagoga, 22) da Coruña, local da Asociación de Amigos dos Museos de Galicia (https://maps.google.es/maps?q=sinagoga+22+coru%C3%B1a&hl=pt-PT&ie=UTF8&sll=42.799929%2C-8.017734&sspn=2.136166%2C4.938354&t=h&hnear=Calle+Sinagoga%2C+22%2C+15001+A+Coru%C3%B1a&z=16).


No acto recitaranse poemas do libro, podendo intervir na lectura o público que o desexar, e participarán de diferentes maneiras os membros do Grupo Surrealista Galego presentes, co obxectivo expreso de aumentar a comunicación interior e exterior de Poesía e Vida.

Desde o GSG pedimos ao público asistente que traian consigo un obxecto surrealista, de pequeno tamaño, que pasará a facer parte da maleta dos obxectos mutantes para a observación poética in situ, que comezou o seu percorrido na presentación de Versos fatídicos, de Alfredo Ferreiro (http://gruposurrealistagalego.blogaliza.org/2011/12/15/presentacion-dos-versos-fatidicos-1994-2010/).

No acto haberá exemplares de Esplendor arcano para aquelas persoas que desexen adquirilo alí.
Lembramos que se poden conseguir xa dirixíndose a este correo electrónico: esplendorarcano@gmail.com, ou ben aquí:

A CORUÑA:
Taller de Litografía Milpedras (Rúa Brasil, 3).
Livraria Suévia (Rúa Vila de Negreira, 32).
Libraría Sisargas (Rúa Curros Enríquez, 9).

ARTEIXO:
Libraría Á lus do candil (Rúa Historiador Vedía, 3).

Tamén en: http://gruposurrealistagalego.blogaliza.org/2013/01/21/acto-de-presentacion-de-esplendor-arcano-de-ramiro-torres/



No hay comentarios:

Publicar un comentario